சென்னை சர்வதேச திரைப்பட விழா

இந்திய திரைப்பட திறனாய்வுக் கழகம் ( ICAF) 2003 ஆம் ஆண்டு முதல் சென்னை சர்வதேச திரைப்பட விழா (CIFF) என்னும் அமைப்பினை தொடங்கி ஆண்டுதோறும் சிறந்த திரைப்படம், தயாரிப்பாளர், இயக்குனர், மற்றும் திரைத்துறையச் சார்ந்தவர்களை ஊக்குவித்து வருகிறது.

இந்த முறை 10-வது ஆண்டாக சர்வதேசத் திரைப்பட விழா எதிர்வரும் டிச12-ம் தேதி முதல் 20-ம் தேதி வரை நடைபெறும் இத் திரைப்பட விழாவில் 54 நாடுகளில் தயாரிக்கப்பட்ட 172 திரைப்படங்கள், 8 நாட்களில் 8 திரையரங்குகளில் திரையிடப்படுகிறது.

இதில் ஆஸ்கார் மற்றும் கேன்ஸ் விருதுகள் பெற்ற பல படங்கள் திரையிடப்படுகிறது. இந்த ஆண்டின் புதுமையாக கொலம்பியா, ஆஸ்திரேலியா, ஹங்கேரி மற்றும் துருக்கி நாட்டு திரைப்படங்கள் திரையிடப்படுகிறது.

இராஜா ஹரிச்சந்திரா என்கிற படத்தை தாதா சாகேப் பால்கே அவர்கள் முதல் முதலில் தாயாரித்து திரையிட்ட மே 3 1913 - இந்திய சினிமாவின் பிறப்பாகும்.

இந்திய சினிமாவின் நூற்றாண்டை குறிக்கும் வகையில் சந்திரலேகா(தமிழ்), மேக சந்தோஷம்(தெலுங்கு), பதர் பாஞ்சாலி(பெங்காலி), கைடு(இந்தி), வீப்பா(கன்னடம்), வதுகார அல்லது தம்பு(மலையாளம்) ஆகிய படங்களும் திரையிடப்படுகிறது.

உலக சினிமா பிரிவில் கடந்த 12 மாதங்களில் வெளியான உலகின் மிகச்சிறந்த படங்கள் திரையிடப்பட உள்ளன.

பிரான்ஸ் இயக்குனர் கிளாடே சாப்ரோல் இயக்கிய படங்கள் ஆய்வுக்கு எடுத்துக் கொள்ளப்பட உள்ளன. பிட்டர் ரியூனியன், இன்ஸ்பெக்டர் லாவர்டின், பெட்டி, ஹெல், தி பிளவர் ஆப் ஈவில் ஆகிய படங்களும் திரையிடப்படுகின்றன.

2011-ல் காலமான கிரீஸ் இயக்குனர் மைக்கேல் காக்கோயானிஸ் நினைவாக ஜோர்பா தி கிரிக் மற்றும் எலக்ட்ரா ஆகிய படங்களும் திரையிடப்படுகின்றன.

தமிழ் படங்கள் பிரிவில் தேர்வுக்குழுவால் தேர்ந்தெடுக்கப்பட்ட படங்கள்:

The Hindu நாளிதழ் நடத்தும் குறும்படப் போட்டியும் நடைபெற உள்ளது. இதில் வெற்றி பெறுபவர்களுக்கு நிறைவு நாள் விழாவில் பாலிவுட் நட்சத்திரம் அமிதாப்பச்சன் கலந்து கொண்டு பரிசு வழங்குவார் .

இவ்விழாவிற்கு தமிழக அரசு ரூ.50 லட்சம் நிதிஉதவி அளித்துள்ளது. இதில் பார்வையாளராய் பங்கேற்க திரைத்துறையினருக்கும் , மாணவர்களுக்கு ரூ.300  பொதுமக்களுக்கு ரூ.500 என கட்டணம் நிர்னயிக்கப்பட்டுள்ளது. இதற்கான டிக்கட்டுகளை இணையம் மூலமாகவும், நேரிலும் பதிவுசெய்துகொள்ளலாம்.